મુદતી લોન (ટર્મ લોન) યોજના | Term Loan Scheme Gujarat

મુદતી લોન (ટર્મ લોન) યોજના |  Term Loan Scheme Gujarat

આ યોજનાનો હેતુ

• કૃષિ અને તે અંગેની પ્રવૃત્તિઓ , લઘુ ઉદ્યોગ, કલાકારીગરી અને વંશપરંપરાગત વ્‍યવસાય તેમજ સેવા પ્રકારના ધંધા/વ્‍યવસાય માટે વધુમાં વધુ રૂ.૨,૦૦,૦૦૦/- સુધી લોન આપવામાં આવે છે.

લોન મેળવવાની જરૂરી લાયકાત

• અરજદાર વિચરતી કે વિમુક્ત જાતિના હોવા જોઇએ.
• તા.૧/૪/૨૦૧૮ થી આવકની પાત્રતામાં કુટુંબની વાર્ષિક આવકની મર્યાદા ₹. ૩ લાખ સુધીની રહેશે, જેમાં ₹. ૧.૫૦ લાખ સુધીની વાર્ષિક આવક ધરાવતા કુટુંબો માટે ધિરાણની કૂલ રકમના ઓછામાં ઓછા ૫૦ ટકા રકમ ફાળવવામાં આવશે.
• અરજદારની ઉમર અરજીની તારીખે ઓછામાં ઓછી ર૧ વર્ષ અને, ૫૦ વર્ષથી વધુ ન હોવી જોઇએ.
• અરજદારને તાંત્રિક અને કુશળતા ધરાવતાં ધંધા/વ્‍યવસાયના કિસ્‍સામાં અનુભવ હોવો જરૂરી છે.
• અરજદારે લોન મેળવવા માટે યોગ્‍ય જામીન આપવાના રહેશે.

યોજનાની મુખ્ય લાક્ષણિકતાઓ

• આ યોજનામાં લોનની વધુમાં વધુ રકમ ₹. ૨,૦૦,૦૦૦/-સુધીની છે.
• આ યોજનામાં વ્યાજનો દર વાર્ષિક ૬ % રહેશે
• આ યોજના હેઠળ ધંધા/ વ્‍યવસાયની રકમની ૯પ % લોન આપવામાં આવશે. જયારે લાભાર્થીએ પ % પોતાનો લાભાર્થી ફાળો આપવાનો રહેશે.
• આ લોનની રકમ વ્‍યાજસહિત ૬૦ સરખા માસિક હપ્‍તામાં ભરપાઇ કરવાની રહેશે.

ઓફિશિયલ વેબસાઇટ : https://sje.gujarat.gov.in/

Online Loan Application

આ યોજનામાં ઓનલાઈન અરજી કરવા માટે અહીં ક્લિક કરો.

અરજદારોએ ઓનલાઈન અરજી કરતી વખતે અપલોડ કરવાના આધાર પુરાવા

લઘુ ધિરાણ યોજના , મહિલા સમૃધ્ધિ , મુદ્દતી લોન , નવી સ્વર્ણિમ યોજના ( ફક્ત મહિલાઓ માટે ) નીચે મુજબના આધાર પુરાવા : 

( ૧ ) જાતિનો દાખલો 

( ૨ ) સક્ષમ અધિકારીનો આવકનો દાખલો 

( ૩ ) શાળા છોડયાનુ પ્રમાણપત્ર ( સ્કુલ લિવીંગ સર્ટીફીકેટ ) 

( ૪ ) અભણ અરજદારાના કિસ્સામાં જન્મનું પ્રમાણપત્ર અથવા સરકારી હોસ્પિટલના અધિકૃત મેડીકલ ઓફિસર દ્વારા મેળવેલ ઉંમરનું પ્રમાણપત્ર 

( ૫ ) આધાર કાર્ડ ( આગળ અને પાછળ ) 

( ૬ ) રહેઠાણનાપુરાવા ( ચુંટણીકાર્ડ / લાઈટબીલ ) 

( ૭ ) રેશનકાર્ડ ( આગળ , પાછળ ) 

( ૮ ) અનુભવ / તાલીમનું પ્રમાણપત્ર ( મરજિયાત ) 

( ૯ ) અરજદાર બી.પી.એલ લાભાર્થી , વિકલાંગ , વિધવા હોય તો તેનુ પ્રમાણપત્ર ( મરજિયાત ) 

( ૧૦ ) દુધ સહકારી મંડળીનો દાખલો ( ફકત પશુપાલનના ધંધા માટે ) 

( ૧૧ ) કવોટેશન / ભાવપત્રક 

( ૧૨ ) પાસબુકના પહેલા પાનાની- નામ , સરનામા , ખાતા નંબર તથી IFSC નંબરની વિગત દર્શાવતી નકલ અથવા કેન્સલ ચેકની નકલ 

( ૧૩ ) વધારાના દસ્તાવેજો ( મરજિયાત )